TUGAS KELAS VII E,F,G,H ( Tugas E-Learning )

            Manut klausane (klausa: tembung 2 sing kadadean sekang jejer lan wasesa sarta bisa dadi ukara), ukara bisa kaperang dadi 3,yakuwe :

1.Ukara Elip, yakuwe ukara sing kadadean kurang sekang saklausa,tuladhane:
   ~Ngenteni neng alun-alun (ngenteni: wasesa, alun-alun: katrangan panggonan).
   ~Mangan bakso panas (mangan: wasesa, bakso panas: lesan).
   ~lan sapiturute.

2.Ukara lamba (kalimat tunggal), yakuwe ukara kang kadadean sekang saklausa/jejer lan wasesane kur siji.    bisa detambahi lesan / geganep / katrangan, Tuladhane:
   ~Ibu tindak maring kantor.
   ~Bocah-bocah lagi gawe yel-yel.
   ~lan liya-liyane.

3.Ukara Camboran (kalimat majemuk),yakuwe ukara kang kadadeyan sekang rong klausa utawa lewih.
   Gole ndhapuk ukara nganggo tembung panggandheng utawa cukup nganggo tandha koma.
   Ukara camboran kaperang dadi loro, yakuwe:
   a.Ukara camboran sajajar(kalimat majemuk setara), tembung panggandhenge kayata: lan, sarta,
     dene,ewadene, nanging, lly.
   b.Ukara camboran susun henge(kalimat majemuk bertingkat), tembung panggandhenge, kayata: nalika,
      mula,amarga,jalaran, sebab, sanajan, lan liya-liyane.

Klausa  ngisor kiye dadekna ukara camboran nganggo tembung panggandheng kang cocog.
1. a.aku sekolah neng SMP 1 Purbalingga                     
    b.adhiku sekolah neng SD Purbalingga Lor 1                
2. a.Paijo bodho                                                            
    b.Paijo ora tau sinau                                                    
3. a.jeruke derumat                                                        
    b.wohe mbiyet mengini                                                 
4. a.kangmasku dudu dhokter                                       
    b.kangmasku mantri                                                       
5. a.Embah seda
    b.akudurung lair
6. a.Aku nggarap PR basa Jawa
    b.adhiku nggarap PR matematika
7. a.sing menang dudu Pedrosa
    b.sing menang Rossi
8. a.dhek wingi kodanan
    b.sirahku puyeng
9. a.Rosita pinter    b.Rosita ora gumedhe
10.a.Aku ora nggarap PR
     b.Aku dedukani pak Guru

Tugas Bahasa Jawa Kelas VIII (untuk tanggal 21 Peb. s.d.1Maret 2010).

I.Ukara yen kaperamg manut wasesane, kaperang dadi 3,yakuwe;
1.Ukara Tanduk ( Kalimat Aktif ).
   Ukara tanduk yakuwe ukara kang ;
   - Jejere nindakake pagawean.
   -Wasesane tembung kriya lingga utawa kriya tanduk (kata kerja aus atau kata kerja aktif).
     Tuladha tembung kriya lingga: adus, lunga, teka, turu, tuku, lungguh,lly, dene tembung kriya tanduk tanduk
     kuwe tembung kang oleh ater-ater anuswara, kayata; nyapu,mangan, ngarang, nulis lsp.
   -Yen nganggo lesan,lesane kataman pagawean, nanging bisa uga tanpa lesan (ukara tanduk  intransitif).
   -Ukara tanduk sing nganggo lesan ( transitif ) bisa didadekake ukara tanggap (kalimat pasif).
   ~Lesan ing ukara tanduk,bisa dadi jejer ing ukara tanggap,angger ora bisa berarti dudu lesan.

TUGAS KELAS VIII

Ukara ngisor kiye ngemu surasa apa?
1. La kae...,deomongi kok ora nggugu!
2. Lho...,jebule ko ya sing tiba wingi!
3. Astaghfirullah...,bocah kon sinau kok angel temen!
4. Ya...hh,nyong remidial matem kiye!
5. Ha...apa dhuwite ko ilang?
6. Wah...,apik tenan mejid purbalingga kiye ya!
7. Oalah...,nggarap PR ket mau kok ora rampung-rampung!
8. Weladalah...,wis jam semene kok durung teka.
9. Lha ..., ya kiye sing tektunggu kit wingi.
10. Inalillahi...,sapa kae sing tabrakan?

TUGAS KELAS VIII dan KELAS VII

Ukara panguwuh/sabawa ngisor kiye ngemu surasa apa ?

1. Lha kae, deomongi kok malah sumaur.
2. O...jebule ko ya sing tiba wingi sore kae.
3. Wah jebul gedhe pisan candhi Borobudur kuwe.
4. Lha... ya kiye bocah sing sregep.
5. Halah...kaya kuwe bae kok ora teyeng.
6. Hayo...sapa sing telat miki?
7. Tobaaat-tobat...,bocah deomongi kok ngeyel temen.
8. Astaghfirullah...,madan manut sih ngapa.
9. Hah...apa, dhuwitmu ilang?
10.Yah...,bijiku ala-ala,nyong kudu sinau maning kiye.

Parikan yakuwe unen-unen mawa paugeran :

1.Kadadean sekang 2 ukara,saben ukara kadadean sekang 2 gatra.
2.Pandhapuke ukara mawa purwakanthi sastra.
3.Ukara kapisan minangka pancadan dene isine dumunung ing ukara ka loro.

Tuladhane:
a.Iwak bandeng,durung wayu.
Priya nggantheng, sugih ilmu.

Katrangan :Unen-unen kasebut ,
1.kadadean sekang 2 ukara,yakuwe;Iwak bandeng,durung wayu lan Priya nggantheng,sugih
ilmu.Ukara 1 lan 2 kadadean sekang 2 gatra,Gatra 1 yakuwe iwak bandeng lan priya nggan-
theng,dene gatra ka2 yakuwe durung wayu lan sugih ilmu.
2.nganggo purwakanthi swara yakuwe neng tembung eng ing tembung bandeng lan eng ing
tembung nggantheng.Swara yu ing tembung wayu lan mu ing tembung ilmu.
3.Ukara iwak bandeng durung wayu kuwe kur pancadan sing fungsine kanggo narik kawigaten,
dene isine manggon neng ukara sing ka-2 yakuwe priya nggantheng sugih ilmu.

Tuladha liyane;
-Maring pasar,tuku cipir.Ja sumelang, ra depikir.
-Permen-permen, glali-glali. Biyen-biyen,siki-siki.
-Ngetan, bali ngulon.Tiwas edan, ra kelakon.

Gawea parikan sing isine ana sesambungane karo bocah sekolah 2 bae, gunggunge wanda bebas.